ಈಶ ನಿನ್ನ ಚರಣ ಭಜನೆ
ಆಶೆಯಿಂದ ಮಾಡುವೆನು
ದೋಶರಾಶಿ ನಾಶಮಾಡು ಶ್ರೀಶ ಕೇಶವ ||
ಶರಣು ಹೊಕ್ಕೆನಯ್ಯ ಎನ್ನ
ಮರಣ ಸಮಯದಲ್ಲಿ ನಿನ್ನ
ಚರಣ ಸ್ಮರಣೆ ಕರುಣಿಸಯ್ಯ ನಾರಾಯಣ || 1 ||
ಶೋಧಿಸೆನ್ನ ಭವದ ಕಲುಶ
ಭೋಧಿಸಯ್ಯ ಜ್ಞಾನವೆನಗೆ
ಬಾಧಿಸುವ ಯಮನ ಬಾಧೆ ಬಿಡಿಸು ಮಾಧವ || 2 ||
ಹಿಂದನೇಕ ಯೋನಿಗಳಲಿ
ಬಂದು ಬಂದು ನೊಂದೆನಯ್ಯ
ಇಂದು ಭವದ ಬಂಧ ಬಿಡಿಸೋ ತಂದೆ ಗೋವಿಂದ || 3 ||
ಭ್ರಷ್ಟನೆನಿಸಬೇಡ ಕೃಷ್ಣ
ಇಷ್ಟು ಮಾತ್ರ ಬೇಡಿಕೊಂಬೆ
ಶಿಷ್ಟರೊಡನೆ ಇಟ್ಟು ಕಷ್ಟ ಬಿಡಿಸು ವಿಷ್ಣುವೇ || 4 ||
ಮದನನಯ್ಯ ನಿನ್ನ ಮಹಿಮೆ
ವದನದಲ್ಲಿ ನುಡಿಯುವಂತೆ
ಹೃದಯದಲ್ಲಿ ಹುದುಗಿಸಯ್ಯ ಮಧುಸೂದನ || 5 ||
ಕವಿದುಕೊಂಡು ಇರುವ ಪಾಪ
ಸವೆದು ಪೋಗುವಂತೆ ಮಾಡಿ
ಜವನ ಬಾಧೆಯನ್ನು ಬಿಡಿಸೋ ಶ್ರೀತ್ರಿವಿಕ್ರಮ || 6 ||
ಕಾಮಜನಕ ನಿನ್ನ ನಾಮ
ಪ್ರೇಮದಿಂದ ಪಾಡುವಂಥ
ನೇಮವೆನಗೆ ಪಾಲಿಸಯ್ಯ ಸ್ವಾಮಿ ವಾಮನ || 7 ||
ಮೊದಲು ನಿನ್ನ ಪಾದಪೂಜೆ
ಒದಗುವಂತೆ ಮಾಡೋ ಎನ್ನ
ಹೃದಯದೊಳಗೆ ಸದನ ಮಾಡು ಮುದದಿ ಶ್ರೀಧರ || 8 ||
ಹುಸಿಯನಾಡಿ ಹೊಟ್ಟೆ ಹೊರೆವ
ವಿಷಯದಲ್ಲಿ ರಸಿಕನೆಂದು
ಹುಸಿಗೆ ಹಾಕದಿರೋ ಎನ್ನ ಹೃಷೀಕೇಶನೇ || 9 ||
ಕಾಮಕ್ರೋಧ ಬಿಡಿಸಿ ನಿನ್ನ
ನಾಮ ಜಿಹ್ವೆಯೊಳಗೆ ನುಡಿಸು
ಶ್ರೀಮಹಾನುಭಾವನಾದ ದಾಮೋದರ || 10 ||
ಬಿದ್ದು ಭವದನೇಕ ಜನುಮ
ಬದ್ದನಾಗಿ ಕಲುಷದಿಂದ
ಗೆದ್ದು ಪೋಪ ಬುಧ್ಧಿ ತೋರೊ ಪದ್ಮನಾಭನೆ || 11 ||
ಪಂಕಜಾಕ್ಷ ನೀನೆ ಎನ್ನ
ಮಂಕುಬುದ್ಧಿಯನ್ನು ಬಿಡಿಸಿ
ಕಿಂಕರನ್ನ ಮಾಡಿಕೊಳ್ಳೋ ಸಂಕರ್ಷಣ || 12 ||
ಏಸು ಜನ್ಮ ಬಂದರೇನು
ದಾಸನಲ್ಲವೇನು ನಾನು
ಘಾಸಿ ಮಾಡದಿರು ಇನ್ನು ವಾಸುದೇವನೇ || 13 ||
ಬುದ್ಧಿ ಶೂನ್ಯನಾಗಿ ಎನ್ನ
ಬದ್ಧಕಾಯ ಕುಹಕ ಮನವ
ತಿದ್ದಿ ಹೃದಯ ಶುದ್ಧ ಮಾಡೋ ಪ್ರದ್ಯುಮ್ನನೇ || 14 ||
ಜನನಿ ಜನಕ ನೀನೆಯೆಂದು
ನೆನೆವೆನಯ್ಯ ದೀನಬಂಧು
ಎನಗೆ ಮುಕ್ತಿ ಪಾಲಿಸಿನ್ನು ಅನಿರುದ್ಧನೇ || 15 ||
ಹರುಶದಿಂದ ನಿನ್ನ ನಾಮ
ಸ್ಮರಿಸುವಂತೆ ಮಾಡು ಕ್ಷೇಮ
ಇರಿಸು ಚರಣದಲ್ಲಿ ಪ್ರೇಮ ಪುರುಷೋತ್ತಮ || 16 ||
ಸಾಧುಸಂಗ ಕೊಟ್ಟು ನಿನ್ನ
ಪಾದಭಜನೆ ಇತ್ತು ಎನ್ನ
ಭೇದಮಾಡಿ ನೋಡದಿರೊ ಹೇ ಅಧೋಕ್ಷಜ || 17 ||
ಚಾರುಚರಣ ತೋರಿ ಎನಗೆ
ಪಾರುಗಾಣಿಸಯ್ಯ ಕೊನೆಗೆ
ಭಾರ ಹಾಕಿರುವೆ ನಿನಗೆ ನಾರಸಿಂಹನೇ || 18 ||
ಸಂಚಿತಾದಿ ಪಾಪಗಳು
ಕಿಂಚಿತಾದ ಪೀಡೆಗಳನು
ಮುಂಚಿತಾಗಿ ಕಳೆಯಬೇಕೋ ಸ್ವಾಮಿ ಅಚ್ಯುತ || 19 ||
ಜ್ಞಾನ ಭಕುತಿ ಕೊಟ್ಟು ನಿನ್ನ
ಧ್ಯಾನದಲ್ಲಿ ಇಟ್ಟು ಸದಾ
ಹೀನ ಬುದ್ಧಿ ಬಿಡಿಸೊ ಮುನ್ನ ಶ್ರೀ ಜನಾರ್ಧನ || 20 ||
ಜಪತಪಾನುಷ್ಠಾನವಿಲ್ಲ
ಕುಪಿತಗಾಮಿಯಾದ ಎನ್ನ
ಕೃಪೆಯ ಮಾಡಿ ಕ್ಷಮಿಸಬೇಕು ಹೇ ಉಪೇಂದ್ರನೇ || 21 ||
ಮೊರೆಯ ಇಡುವೆನಯ್ಯ ನಿನಗೆ
ಶರಧಿಶಯನ ಶುಭಮತಿಯ
ಇರಿಸೋ ಭಕ್ತರೊಳಗೆ ಪರಮಪುರುಷ ಶ್ರೀಹರೇ || 22 ||
ಪುಟ್ಟಿಸಲೇಬೇಡ ಇನ್ನು
ಪುಟ್ಟಿಸಿದಕೆ ಪಾಲಿಸಿನ್ನು
ಇಷ್ಟು ಮಾತ್ರ ಬೇಡಿಕೊಂಬೆ ಶ್ರೀ ಕೃಷ್ಣನೇ || 23 ||
ಸತ್ಯವಾದ ನಾಮಗಳನು
ನಿತ್ಯದಲ್ಲಿ ಪಠಿಸುವರಿಗೆ
ಅರ್ಥಿಯಿಂದ ಸಲಹುತಿರುವ ಕರ್ತೃ ಕೇಶವ || 24 ||
ಮರೆಯದಲೆ ಹರಿಯ ನಾಮ
ಬರೆದು ಓದಿ ಪೇಳ್ದವರಿಗೆ
ಕರೆದು ಮುಕ್ತಿ ಕೊಡುವ ನೆಲೆಯಾದಿಕೇಶವ || 25 ||
Easha ninna charana lyrics
Eesha ninna charana bhajane
aaseyinda maaduvenu
dosha rashi naasha maadu shreesha keshava ||
Sharanu hokkenayya yenna
marana samayadalli ninna
charana smarane karunisayya narayana ||1||
Shodhisenna bhavada kalusha
bhodisayya gnyanavenage
baadhisuva yamana baadhe bidisu maadhava ||2||
Hinde aneka yonigalali bandu bandu nonde naanu
indu bhavada bandha bidisu thande Govindane ||3||
Bhrashtanenisa beda krishna
ishtu maatra bedikombe
shishtarodane ittu kashta bidisu vishnuve ||4||
Modalu ninna paada pooje mudadi gaivenayya naanu hrudayadolage odagisayya madhusoodana ||5||
Kavidukondu Iruva Paapa
Savidu Poguvanthe Maado
Javana Badheyannu Bidisu Thrivikrama ||6||
Kaamajanaka ninna premadinda paaduvantha nemavenage paalisayya swami vaamana ||7||
Madananayya Ninna Mahime
Vadanadalli eruva haage
Hrudayadalli sadana maadu mudadi sridhara ||8||
Husiyanaadi hotte horeva
vishayadalli rasikanendu
husige haakadiro hrushikeshane||9||
Abdiyolage biddu naanu oddukombenayya bhavadigeddu popa buddi thoro padmanaabhane ||10||
Pankajaaksha neenu yenna
manku buddhiyannu bidisi
kinkaranna maadikollo sankarshana||11||
Kamakrodha bidisi ninna naama jihveyolage nudisu sri mahaanubhavanaada damodara ||12||
Yeshtu januma bandarenu
daasanallavenu naanu
ghaasi maadadiru innu vasudevane ||13||
Buddhi shoonyanaagi yenna
baddha kaaya kuhaka manava
thiddi hrudaya shuddhi maado pradyumnane ||14||
Janani janaka neene yendu
nenevenayya deena bandhu
yenage mukthi paalisinnu aniruddane ||15||
Harushadinda ninna naama
smarisuvanthe maadu nema
irisu charanadalli prema Purushottama ||16||
Saadhu sanga kottu ninna paada bhajane itthu enna bheda maadi nodadiro sri adhokshaja||17||
Charu charana thori yenage
paarugaanisayya konege
bhara haakiruve ninage narasimhane||18||
Sanchithaadi papagalanu
kinchithaada peedegalanu
munchithavaagi kaledu poreyo swami achyutha ||19||
Gnyana bhakti kottu ninna
dhyanadalli ittu sada
heena buddhi bidisu munna shree janardhana ||20||
Japa tapa anushtaana neenu oppuvante maadalilla tappa koti kshamisabeku Upendrane ||21||
Moreya iduvenayya sereya bidisu bhavada enage
irisu bhaktarolage parama purusha Sri Hari ||22||
Puttisale beda innu puttisidake paalisinnu
Ishtu maatra bedikombe shri Krishnane ||23||
Sathyavaada naamagalanu
nithyadalli patisuvavara
Arthiyinda salahuthiruva kartru Keshava ||24||
Maretubidade hariya naama
baredu odhi kelidavage
karedu mukti koduva neleyaadikeshava ||25||